Tsohon ministan sadarwa na kasa Farfesa Isa Ali Ibrahim Pantami ya lashe sabon zaɓen dan takarar Gwamnan Jihar Gombe na Jam’iyyar PDP.
Pantami ya samu nasara a dukkan ƙananan hukumomi 11 na jihar, inda ya doke sauran ’yan takarar da suka fafata da shi a zaɓen.
Khamisu Ahmed Mailantarki ne ya zo na biyu yayin da Usman Aliyu Garry ya zo na uku.
KU KARANTA: Kotu Ta Soke Tikitin Takarar Gwamnan Pantami a PDP
An gudanar da sabon zaɓen ne a yau Talata, 29 ga Satumba, 2026, bayan hukuncin babbar Kotun Tarayya da ke Gombe, wadda ta soke zaɓen fidda gwani na farko da ya samar da Pantami a matsayin ɗan takarar PDP na gwamnan jihar a zaɓen 2027.
Kotun ta umarci jam’iyyar PDP da ta sake gudanar da zaɓen fidda gwani cikin wa’adin da ta ƙayyade, bisa dokokin jam’iyyar da kuma tanade-tanaden dokar zaɓe.